Tlhagiso ya bathanodi
Feb 9, 2026
Tlhagiso ya bathanodi ya
tlhabololo ya Thanodi ya Setswana
Ka Molatisi MR
Setheo sa Bosetšhaba sa Thanodi ya Setswana (Sefala), se ne
se laleditse badiri ba dipuo ba mafapha le maphata a a farologaneng mo
Yunvesithing ya Bokonebophirima (NWU) mo khaphasenmg ya Mafikeng go tla go
seegela bathanodi ba Sefala tsebe jaaka ba ne ba neela tiro ya bona ya
mafokomagolo (B, D & F)- go ka tseleganngwa ke Motseleganyimogolo.
Sefala se samagane le tiro ya go tokafatsa Thanodi ya
Setswana (Monolingual) go nna thanodi ya boakaretsi (Comprehensive
Dictionary). Mo tokafatsong
eno gareng ga tse dingwe, bathanodi ba tsenyeletsa maele le diane tse di nang
le mafokomagolo a a mo thanoding le a mangwe a mašwa a a tsenyeleditsweng. Mafapa
le maphata a a neng a laleditswe ke Mafapha a Setswana (Legoro la Tsa-setho le
Legoro la Thuto), Lefapha la Bodirakapuo (Language Practice) le Bokaedi jwa
Dipuo (Language Directorate).
Ditlhagiso tseno di ne di diragalela mo Khamphaseng ya
Mafikeng, mo dikagong tsa MC-A3C-118, Tlhakole a tlhola
malatsi a le 4, 2026 go tloga ka ura ya 9h00 go fitlha 15h30.
E tselegantswe ke GB Phuti